加拿大华人论坛 温哥华 Vancouver转发天涯好文，俾各位同學嘅公開信 -- 關於香港以及你地個人嘅未來

在加拿大

Hi，各位同學，　　你地好。我個名叫JMM，廣州出世，13歲就來咗美國，到而家已經喺美國踎咗二十幾年，係個三張幾嘅阿叔。不過，我唔多搭巴士，所以唔係巴士阿叔。封信都會幾長。各位同學可以去攞杯嘢飲，飲啖茶，食個鮑，慢慢睇。　　我細個嗰陣，係睇無線嘅430穿梭機、小叮噹大嘅。到咗而家都仲可以唱番幾句“烏卒卒，佢好似一隻黑蟋蟀，烏卒卒”，又或者，“小叮噹係機械貓仔，唔識抓老鼠，唔識抓鬼，外貌像懵懵閉閉，永遠有新的光輝，仁慈善心英勇正直無人能代替”。細個嗰陣，我爸爸係做生意嘅，喺香港有唔少朋友，時不時會落香港玩，我喺美國讀中學嗰陣，每年暑假亦都會途經香港，喺香港我爸爸嘅好朋友嗰度住番一兩個禮拜。所以，我由細個到而家，都好中意香港，可以話係，愛香港。　　嗰陣嘅中國，如果要經商，就要見官。耳濡目染，我對中國嘅政治同埋北京高層嘅唸法多少有D認識。來咗美國之後，大學嘅時候，美國民主黨全國大會係洛杉磯呢道開，然後有好多學生去示威抗議，我有唔少同學去咗。我冇去示威抗議，但係有揸車去救人，親眼睇到個靚女friend俾催淚彈搞到成面眼水鼻涕加口水，亦都親眼睇過有人襲警。所以，我對示威抗議嘅時候，人群同警方嘅互動亦都多少有D認識。后尾呢幾年，我又幫美國共和黨嘅前任勞工部長趙小蘭，同埋民主黨嘅前任勞工部長 Hilda Solis 搞過競選募款活動。而且，而家參加緊一個美國聯邦情報總署搞嘅， 叫做 The Good Judgment Project 嘅 crowd intelligence project 。對於一個成熟民主政體嘅政治同埋危機處理，多少亦都有D認識。　　曬咗咁耐 quali ，就係想各位同學可以認真地聽下同埋唸下下邊我要講嘅說話。主要係關於 conflict resolution -- 如何解決紛爭同衝突。　　我亦都曾經係你地而家呢個年紀。我亦都曾經熱血過。但係，鬧，吵，甚至打，係解決唔到問題嘅。　　由細小處著眼，大家都做過中國人嘅仔女，俾老豆或者阿媽鬧或者打嘅經驗相信都會有。各位同學，以你嘅經驗，當你俾老竇鬧緊嘅時候，佢講嘅嘢你係全盤接受，定係左耳入右耳出？將心比心，當你以鬧佢嘅態度去同梁生講嘢嘅時候，你覺得佢會不會好容易地接受？　　由大處著眼，以舊年香港碼頭工人罷工示威為例，40日之後，最尾係資方話“怕咗你地啦，你要加幾多就加幾多啦。”定係雙方坐落來傾，先至搵到折中方案，解決加薪問題？　　當年，巴士阿叔講過“你有壓力，我亦都有壓力”。其實，發爛渣，又或者好似春田花花幼稚園教嘅訓低詐死，耍賴係永遠都解決唔到問題o架。大家坐低，心平氣和咁傾下至得。　　阿叔我俾你地考慮嘅建議係：“佔中”又好，“泛民”又好，“學聯”同埋其他“學生運動”又好，用一個禮拜，選出三個代表；然後再用幾日，詳細列出要求，然後10月13號同梁生坐低傾。喺呢段時間內，維持現狀，status quo 。亦即係港府承諾唔動用藍帽子清場，承諾同示威者代表對話。示威者亦要承諾唔再嘗試衝入政府總部，盡量約束同仁，而且當同仁之中有人試圖使用暴力或者損毀公物嘅時候，出聲，出手制止佢地。唔好話“唔會”先。示威嘅時候，一大群人入邊，實會有幾個攪屎棍。2000 年LA DNC 過陣，阿叔我就親眼睇過。　　我亦會俾梁生相同嘅建議：等下，冷靜D，坐低傾。　　一人退一步，先至有得傾。大家一齊硬頸，邊個都唔退讓，到咗最尾，就係兩班人一齊叫住“愛香港” 嘅口號，一齊害死香港。　　我唔係話各位同學唔啱。唔係話大家表達自己嘅意見，要民主，要自由唔啱。今次示威，當然細節有值得檢討嘅地方，但係，到而家為止，包括示威者同警方在內，總體其實都算克制。我可以好負責任地講：我地美國通常激好多；大陸就仲激D；如果去到中東，哇！激到爆！真係炸彈爆炸嘅爆 ... 咁激有冇益？　　民主，自由，都係崇高嘅理想。但係，想達到目的，可以有好多手段。有D係會傷害到自己亦都會傷害到他人嘅。“你應唔應承我？！唔應承我我就跳落去死俾你睇”係最差嘅手段之一。　　言論自由，唔係話：我講嘅啱曬，你講嘅錯曬；你唔完全認同我講嘅嘢就係獨裁，反民主，邪惡共產。　　獨立思考，唔係話：先生講一句，你就駁一句；亦都唔係話，政府做咩都要反對，逢政必反。　　我地每一個人，都係獨立嘅個體，都有自己嘅意見。意見唔同，係好正常嘅事。如果連靜低，聽下對方嘅意見都做唔到，又點搞民主？　　講真，反對係最容易嘅，開下口就得了。前幾年，港府有財政盈餘，於是乎派錢。我有唔少有香港身份證的朋友都由美國飛番去攞。市民多數都覺得係好事。但係，泛民就有議員話，派錢係“懶政”。於是乎，港府之後就唔派錢了。派錢，係懶政；如果收收埋埋，可以話佢係斂財；如果攞來搞公共建設，又可以話浪費公帑；凈係派俾窮人，都仲可以話分發過程唔公平，新移民交稅少應該攞少D。咁點啊？　　而家搵食艱難係事實，大學畢業買唔起樓，貧富懸殊越來越嚴重，亦都係事實，但係呢D主要係經濟因素造成嘅，而唔係政治因素。我遲少少會講下點解。97之後，港府做得好唔好。2014年嘅香港係黑暗，沉淪，冇自由；定係“還好啦”，“同97之前差唔多啦”。呢樣嘢，希望大家可以兼聽則明，亦要睇下國際上有公信力，中立嘅組織同機構點講。下邊幾個機構嘅資料，大家喺網上可以好容易搵到，歡迎獨立求證。　　我地美國有個好有名嘅智庫，叫做 The Heritage Foundation 。佢地由1995年開始，每年都會出一個全球經濟自由度報告，Index of Economic Freedom。由95年到今年，2014年，香港都係攞第一。你冇睇錯，香港，經濟自由度排全世界第一。呢個排名，星加坡排第二，美國12，台灣17，中國大陸137。係唔係公正，相信各位同學心中有數。　　第一啊！全世界第一啊！！作為香港人，你應該足以感覺到自豪。　　Transparency International 係德國一個好有名嘅國際機構。佢地每年會出一個貪污指數報告，Corruption Perception Index。今年未出，不過2013年，論廉潔程度，香港排第15，星加坡排第5，美国排18，台湾排36，大陆排到80。以級數計，香港仍然贏台灣兩班，同美國同一級數，撇開大陸好多班。　　The World Economic Forum，全球經濟論壇，每年會出一個全球競爭力報告，Global Competitiveness Report，2014-15年度，香港排第7；星加坡排第二，美國排第3，台灣14，大陸28。　　俾出呢三個冧巴，想講嘅係：香港嘅大環境其實唔差，亦冇差過97之前。　　搵食艱難，大學畢業買唔起樓，貧富懸殊越來越嚴重，這三個問題其實全世界都有，我地美國亦有。如果冇，當年“佔領華爾街”，Occupy Wall Street 就唔會喺我地美國開始啦。下邊要講嘅，多少同遊戲規則有關，可能需要唸下。大家不妨去下洗手間，refill 下飲品，攞多個鮑。咦，鮑定包啊？是但啦 ... 　　第一個問題，搵食艱難，同全球化以及產業結構調整有關。大家仲記唔記得，麥兜媽咪嗰首“車衣女工之歌”。曾經，六零年代，七零年代嗰班香港人係好勤力，好搏o架。佢地可以一個禮拜做足7日，日日12個鐘，企喺道做。嗰陣嘅香港企業，靠嘅係價格優勢，係如假包換嘅血汗工廠。但係時至今時今日，我地這代人，又有幾個做得到？唔好講香港，就算大陸，這幾年都漸漸少咗好多咁嘅血汗工廠啦。香港經濟整體由輕工業調整到金融業、服務業、運輸業、旅遊業為主，其實算係成功。但係，就引出第二個問題 ... 　　我大學畢業買唔起樓啊，頂佢個肺！這個問題，同第一個問題有關聯，亦有其獨立性。唔知大家記唔記得，曾幾何時，香港係得港大一間大學嘅，然後，又有咗城大同科大。中國人父母，多數中意細路讀多D書。大學生多咗，但係，服務業、運輸業、旅遊業其實唔需要咁多大學生，咁就導致人工低啦。Econ 101, supply and demand 啊，同學。包括董伯伯，煲鈦曾同而家嘅梁生，港府唔係冇做個努力。當然，有冇成效有待探討。另外一方面，樓價又確實升咗好多。而樓價問題，同第三個問題，貧富懸殊，又有關聯 ... 　　貧富懸殊，係一個所有資本主義經濟體都要面對嘅問題，國際上通常用堅尼係數表示。大家可以去查下堅尼係數，Gini coefficient ，即使美國亦好高。一個好簡單嘅例子：你同隔離班小明成績都好好，兩個人都立志畢業一年后就賺一百萬。你一個仙本錢都沒有，小明爹地俾咗佢一千萬做本。你嗰一百萬係想攞來做首期；小明係為咗證明自己。你覺得一年后，邊個人更加有可能達成願望？當你打緊工嘅時候，小明可能已經用嗰一千萬炒緊樓。一年后，樓價當然升咗。就算你好勤力，亦好好彩，一年后真系賺到一百萬，可能已經唔夠首期。資本主義，意思即係資本可以帶俾你更多資本，財富可以帶俾你更多財富，錢係可以生錢嘅。所以會富者愈富，貧者愈貧。這個問題，亦叫做“馬太效應”。解決之道，唔係冇，政府干預，收交易稅同遺產稅來平衡。但係政府如果咁做，亦會損害市場自由度。我地美國遺產稅好高，所以俾人排咗去12位。世事，好多時候係冇得兩全其美o架。　　十幾年都冇打咁多中文，打完自己都嚇親。最尾想講嘅係：阿叔我唔係想叫你做咩，或者唔好做咩。阿叔凈係提供資訊同埋建議俾你，等你可以做到更好嘅決定。　　返學又好，落club玩又好，相信大家都睇過人地吵交，打交。有人吵同打交嘅時候，旁觀者之中，有人會睇，唔出聲；有人會嘗試勸，話“一人少句，唔好郁手，冷靜下”；仲有一啲人，會大聲叫：“刮佢啊！打佢啊！哇！佢攞凳啊！俾把西瓜刀你，劈死佢！”　　阿叔我而家做緊勸人嗰個。我希望各位同學冷靜之後，可以由頭到尾唸下成件事。既然好似個成年人咁去示威，就要擔當起成年人嘅責任。而檢討自己，肯認錯，係成年嘅標誌之一。對於梁生來講係咁，你地亦係。　　今日嘅香港，仍然係東方之珠。明天的香港，依然可以非常美麗。　　愛香港，就唔好唱衰她。　　愛香港，就唔好傷害她。　　愛香港，就唔好玩殘她。　　天佑香港！　　J. M. M.　　ps. 好長啊，救命，聽日先寫俾家長們同埋梁生嗰兩封信，take care

评论
虽然文字看起来有些困难，本人粤语懂的不多，觉得比较理性。

评论
让这个写文章的去香港笼屋里住3天，保证变卦

评论
没耐心看懂砍得你死。只要是凳子反对的，支持才是正常人。

评论
额滴博客http://blog.sina.com.cn/u/5609139692心路历程大荟萃《漫长的等待、幸福的憧憬、登陆的迷茫》http://forum.iask.ca/threads/漫长的等待、幸福的憧憬、登陆的迷茫.229841/让这个写文章的去香港笼屋里住3天，保证变卦点击展开...说实话，我也认为占中的原因不是一人一票争普选那么简单。有人生活不易了，想上街表达对政府和首脑不满。有外国势力想搞乱中国就鼓动支持占中。目前已经表达诉求了，开始会谈了，还鼓动孩子们街头露宿不上课很不厚道。

评论
susann 说:说实话，我也认为占中的原因不是一人一票争普选那么简单。有人生活不易了，想上街表达对政府和首脑不满。有外国势力想搞乱中国就鼓动支持占中。目前已经表达诉求了，开始会谈了，还鼓动孩子们街头露宿不上课很不厚道。点击展开...如果没有占中就不会有政府放下身架和学生们面对面谈的机会，占中前港府的高傲与自负和现在的灰头土脸是多大的对比。占中前，政府有没有说过要和学生谈谈？罢课前有没有？港府说的只是，已经准备了3个集中羁押地点用来逮捕占中人士，惩教署长说用2000多个监狱空位足以满足需求。这就是港府对不同政见者的态度。学生运动第2天就出动防暴队驱散，在学生没有任何暴力行为的情况下，释放催泪弹，以为强势镇压可以速战速决，不料从催泪弹那一刻起，从几千人发展到20万人的运动，这是港府始料不及的。

评论
JMM文彩多姿，粵語純精，可見天涯確是文章匯聚之地。拜讀之餘，不禁讓人感到飄飄然似的。但檢察一下基本情況，發覺官民談判，不單是可能性低，更不能解決問題。梁特首空有特首之名，並無特首之實，未經共產黨授意之下，參與談判，無論作出任何承諾，都是自取其咎。佔中人士只是一個虛詞，並無實體，選舉代表，存有難度，如果作出選民登記，無疑是為朝廷寫一本「花名冊」，讓朝廷瓮中捉鱉。

评论
My grandmother used to say, "Always do good to others." She was right. I do good to others (and Nature). I sense the happiness I give them, and their happiness makes me happy. 超赞 赏 小 小心我削你 0$(VIP 0) 6,8532014-10-24#8 刘阿斗愣充秦始皇，一开始宣传说有商有量，要听你的声音，他妈的，干脆直接说中央说了算，港府没权，估计占中也搞不起来

评论
冇眼睇，无论如何，香港都系死硬嘅

评论
小心我削你 说:刘阿斗愣充秦始皇，一开始宣传说有商有量，要听你的声音，他妈的，干脆直接说中央说了算，港府没权，估计占中也搞不起来点击展开...都那么笨怨谁呢，一国两制有基本法做基础，任何行动都要在法制框架内。一些人愿意当英国奴才，那么多年不提一人一票，说白了就是逆子，吃着喝着还要骂人。

评论
susann 说:都那么笨怨谁呢，一国两制有基本法做基础，任何行动都要在法制框架内。一些人愿意当英国奴才，那么多年不提一人一票，说白了就是逆子，吃着喝着还要骂人。点击展开...在1971年5月3日，準備出任港督的麥理浩，與英國外交部次官K.M. Wilford 對談時，說他知道早在1956或1957年左右，英方已從訪問中國的非官方人士口中，知道中方反對任何令香港走向獨立或自治的政制改革，但麥理浩仍想知道外交部有沒有原文引錄中國官員的說話，以確證中方立場。稍後，外交部內負責研究和遠東事務的部門提交了報告，當中引述在1958年1月30日，中國總理周恩來會見訪華的英國Lieutenant Colonel Cantlie時，希望Cantlie向當時的英國首相麥美倫（Harold MacMillan）轉達以下說話：「任何將香港變成自治領（作者按：一如新加坡）的行動，中國均會視之為非常不友善的舉動。中國希望現時香港的殖民地政治狀態，絲毫不變。」周恩來上述講話的原文，引自FCO 40/327。此文件版權為英國國家檔案館(National Archive)所有。大家或會問，假若當時英國堅持給香港民主自治，中方會如何回應呢？1960年10月29日，當時出任「華僑事務委員會」主任的廖承志，與香港工會代表訪京團聚會時，批評當時美國人建議在新界建立「自治政府」，並警告英方：「英國不會喜歡美國這個建議，是無容置疑的。。。。。。美帝國主義者將永遠不會成功。可是，若這個建議是由英方提出的，就是另一回事了，到此非常時刻，我們將毫不猶疑採取積極行動，解放香港、九龍和新界。」廖承志上述講話的原文，引自FCO 40/327。此文件版權為英國國家檔案館(National Archive)所有。隨後，廖指出中方從不承認港九新界是英國領土，但因為英國繼續管治香港，對中國有利，所以才不要求收回；中國希望收回的，是發展良好的香港，而不是一個如廢墟般的地方。上述文件，相信可以解釋為何其他英國殖民地，都逐步建立起民選本土政府，但香港仍依舊維持總督和殖民高官獨裁（雅稱為「行政主導」），立法局只有委任議員，只是在市政局設有民選議席，而有選舉權的人數，從不超過當時總人口的12%。這情況到了1980年代中期，才有改變。可是眾所周知，中方不太歡迎這種改變，在1984年，當港府建議引入立法會民選議席時，時任新華社香港分社（即今中聯辦）主任許家屯，就公開狠批英方「不按本子辦事」，所謂「本子」，就是《中英聯合聲明》。（詳情可參閱許家屯流亡美國後寫的《許家屯香港回憶錄》上冊，此書在1993年出版，現已絕版，但可在各大圖書館借閱）​

评论
不错，历史知识挺丰富。说到底英国人还是要和中国谈判，因为香港属于中国，所以还是要遵循基本法。静坐几天就好了，已经开始谈判了，估计可以谈的目前就是选举委员会的组成，但是学生的态度和外来势力的参与已经拖延了这种可能性的进度，中国政府会在看清楚后在做决定。占中如果继续目前来讲就是自残。

  ·生活百科 询问中国鞋码标准
·生活百科 我可以在机场或赌场兑换 100 澳元纸币吗？